فطائر الشوايه دونات محشيه بالشوكلاته

السلام عليكم والرحمه ,,

بمناسبه شهر رمضان المبارك
وهذا الشهر عادة ً اللي ما عمره دخل المطبخ غصب يدخله
حتى لو ما يعرف شي

المهم وزبده الموضوع بما انه فيه ناس مالها بالطبخ زيي
فا اكيد لما يدخلون المطبخ تحدث كارثه

الا الاطباق هذي سويتها بأقل ضرر من الكوارث
والحمدلله فيني سناعه متخفيه

المهم نبدأ بالفطائر

بس قبل كل شي لازم تطبيقاتكم يابنات لانها سهله








مقادير العجينه :

2 كأس دقيق
2 كأس ماء فاتر
3 ملاعق حليب بودره
فنجان سكر
رشة ملح
ملعقه كبيره Pb
ملعقتين خميره
اخلطيها سوا وخليها 10 دقائق بس
بعد 10 دقائق
اضيفي نصف كأس زيت
و3 كأس دقيق
واعجنيها واستخدميها والافضل تتركيها 10 دقائق
< هذي عجينة العشر دقائق
اذا ارتحت العجينه

كوريها (كور صغيره )

وحطيها بالشوايه والافضل تكون الشوايه حااره

يمكن ربع ساعه وتخلص
بالنسبه للحشوه :

ع حسب الرغبه ممكن جبنه سائله
وممكن بيض مسلوق ومبشور
او تونا او شاورما

انا هنا حطيت تونا مع بطاطس مكعبات مقلي
وخيار ومايونيز


بالنسبه للحلى

المقادير :

كوبين و نص طحين
علبه زبادي
نص كوب زيت
نص كوب لبن
و ملعقة كبيره بكن باودر
وملعقة كبيره خميره فووريه
و ملعقتين سكر




بعد ماتعجنينها غطيها بفوطه و خليها نص ساعه
بعدين تاخذين شوي من العجينه بحجم اللقيمات يعني
و تحشينها اي نوع ككاو تفضلينه : )
و تكورينها
أو إذا تحبين حطي مربى
بس تحطينهم كلهم كور و تقلينهم بزيت غزير
و تغطينه بسكر ناعم
وتقدمينه


ان شاء الله يعجبكم ولا تنسون اردود